JAKAR

Gullspretturinn kringum Laugavatn

2009-06-14T10:01:00.004Z

Annað hlaup á stuttum tíma var hlaupið laugardaginn 13. júní. Var það Gullspretturinn sem var kapp í kringum Laugavatn með frjálsri aðferð. Stóð í leiðarlýsingu að maður þyrfti að fara yfir mýri, vaða ár og stökkva yfir læki u.þ.b. 8,5 km leið. Hljómaði nokkuð spennandi og ákvað ég því að slá til. Þegar komið var á Laugavatn var frábært veður og um 70 manns ætluðu að taka þátt. Hérna er maður rétt fyrir ræsingu ásamt skaranum.

Náði ég að troða mér ansi framarlega í ræsingunni og ákvað að reyna að hlaupa með fyrstu mönnum (aðeins að ofmetnast). Eftir mikinn sprett í upphafi náði ég góðri stöðu og var fjórði ofan í fyrsta vaðið. Var það smá sjokk fyrir líkamann og náði svolítið upp fyrir nafla. Hafði ég byrjað allt of hratt og fór að síga aftar eftir vaðið þegar hlaupastingurinn kom. Tók svo við mikið mýrlendi þar sem ég ásamt fleirum misstum jafnvægið. Var ákveðið að fara aðeins hægar yfir til að safna orku. Eftir langt hlaup þar sem a.m.k. 5 ár voru farnar þar sem var farið yfir nafla, mýrlendi, kríur, kjarr, heitt vatn og fleira var loksins komið í mark. Þegar þetta er skrifað hef ég ekki official tíma en heyrðist mér það vera 56 eitthvað og tilfinningin sagði að ég væri aðeins fyrir aftan miðju. Hér er vídjó þegar ég kem í mark eftir hlaupið.

Reynslan sem maður dregur eftir þetta hlaup er að hlaupa ekki á hraða sem maður ræður ekki við. Byrja á sínum hraða og auka hann frekar seinna í hlaupinu. Var þetta að mínu mati erfiðara hlaup en Úlfljótsvatnshlaupið (Úlfljótsfjallshlaupið). Þetta var erfitt allan tíman og náði maður aldrei skokktakti. Maður er allan tímann að stökkva yfir eitthvað eða vaðandi. Þetta hlaup verður heimsótt að ári liðnu og tíminn bættur.

Kveðja,

Reynir

Úlfljótsvatnshlaupið (Úlfljótsfjallshlaupið)

2009-06-11T22:25:00.003Z

Eftir að hafa skokkað Ægissíðuna nokkrum sinnum verður það svolítið leiðigjarnt. Þess vegna ákvað ég að skrá mig í eitthvað hlaup til að sjá hvernig maður myndi standa sig. Eftir smá umhugsun var ákveðið að Úlfljótsvatnshlaupið yrði fyrir valinu. Leiðarlýsingin sagði um 10 km. eftir malarvegum og rolluslóðum, hljómaði spennandi.

Loksins rann svo upp laugadagurinn 6. júní. Undirbúningurinn hafði verið hafragrautur á hverjum morgni í eina viku til að safna orku. Voru 26 keppendur sem að hófu hlaupið undir Úlfljótsvatnsfjalli skammt frá skátasvæðinu. Hérna er maður spenntur í upphafi hlaups.

Hlaupið byrjaði og hlaupið var meðfram fjallinu til að byrja með. Síðan var tekin vinkilbeyja og farið beint upp meðfram læk sem þar var eftir rolluslóða. Það var nokkuð bratt í hliðarhalla og kjarri. Nokkra læki og mýrar þurfti að stökkva yfir og að lokum komst maður upp á fjallið. Þar tók við mikið þýfi. Ekki var mikið eftir af orkubirgðum eftir fjallið og því tekin kraftganga yfir þýfið. Eftir að hafa sprungið eftir innan við 2 km. og hugsað með sjálfum mér að meira en 8 km. væru eftir leyst mér ekki á blikuna. Að lokum komum við þó á grýttan veg sem maður komst hraðar yfir. Seinni parturinn var mest undan halla og gekk það því betur.

Að lokum var komið í mark á síðustu dropunum hjá Úlfljótsvatnsbústaðnum eftir 10,2 km. Þar fékk maður verðlaunapening ásamt besta vatni í heimi. Hérna fyrir neðan er ég kominn í mark með verðlaunapeninginn minn og aðeins rauðari í framan en í upphafi.

Fór ég síðan að skoða verðlaunapeninginn aðeins og sá þá að hlaupið hét Úlfljótsfjallshlaupið en ekki Úlfljótsvatnshlaupið. Það hlaut að vera þar sem ég var hugsandi allan tímann meðan ég hljóp að það var ekki minnst á neitt fjall sem þyrfti að fara yfir. Kom ég í mark á tímanum 1:00:26 í 14. sæti af 26. Nokkuð sáttur við það bara sem fyrsta hlaup.

Að lokum var boðið upp á kraftmikla baunasúpu með rúsínubrauði. Fór svo hljómsveit að spila og slegið var upp balli.

Frábært hlaup sem ég mun pottþétt taka þátt í aftur á næsta ári.

Yfir og út

Reynir

Dvali Jakanna

2009-02-06T14:03:00.002Z

Það hefur verið frekar dapurt á þessari síðu undanfarið. Held að Himmi hafi rétt fyrir sér í kommenti í færslunni að neðan að allir eiga nóg með sjálfan sig eins og er. En við verðum nú að fara að bæta úr þessu, allavega á næstu mánuðum.

Hvað segja Jakar gott?

2009-01-18T17:49:00.004Z

Jæja, mér sýnist farið að rykfalla á þessa blessuðu síðu og best að dusta rykið aðeins af. Hvað segja allir Jakar, eru menn til í smá hitting einhvern tímann og hvað varð svo um búningapartýið?

Kveðja úr Hafnarfirðinum

Spurning...

2008-11-19T17:54:00.002Z

Hvar er eiginlega SNJÓRINN ???

Maður spyr sig...

... Kveðja úr Vesturbænum

4 ára í dag.

2008-11-11T09:47:00.001Z

Mig langaði bara að óska öllum Jökum, mökum og ísmolum til hamingju með daginn. Vonandi að þið eigið góðan dag.

Endurvakning jakaboltans

2008-10-31T04:19:00.005Z

Við ræddum um það í partýinu um síðustu helgi að endurvekja jakaboltann og er ég meira en lítið til í það. Það væri fínt að stefna á byrjun næsta árs og myndi ég reyna að finna einhverja með í boltann með okkur og aðrir gætu gert það sama. Eru annars ekki allir tilbúnir í bolta?

Stebbi kom með tillögu að Reykjalundi aftur og er ég samþykkur því.

PS. Er á næturvakt og ekkert að gera sem útskýrir skrýtna tímasetningu þessa innleggs.

Doddi

Útskriftarbömmer!!!

2008-10-20T12:17:00.004Z

Var að fá tilkynningu frá Háskólanum um að ég fæ eitt fagið ekki viðurkennt, Náttúruauðlindir í Verkfræðideild, en það ku stangast á við nokkur skyldufög í Landfræði. Þannig að útskriftin frestast um nokkra mánuði.

Þar með vantar mig 6 einingar til þess að útskrifast og er kallinn nokkuð langt niðri núna.

Sum sé, ég útskrifast ekki n.k. laugardag vegna þessa. En stefni ótrauður á maí. Þvílík vonbrigði en svona er þetta bara!!!!!!!!!!!!!!

SAMT SEM ÁÐUR ætla ég að halda partý! Þannig að við stefnum ótrauð á laugardaginn! Teitið mun byrja um 8 - 8:30
Ég vonast til að sjá sem flesta

Kveðja
Doddi (Svekkti)

Útskriftarpartý!

2008-10-07T17:15:00.002Z

Loksins, loksins! Búinn með ritgerðina !

Að því tilefni ætla ég að bjóða ykkur Jökum í útskriftarpartý 25. október.
Endilega látið okkur vita hvort þið komist.

Kveðja
Doddi

Sjósund

2008-10-02T20:15:00.002Z

Loksins kom að því að maður dreif sig í sjósund. Útlitið var ekkert sérstakt. Um morguninn var tveggja stiga frost en það fór í tveggja stiga hita þegar komið var út að Gróttu um hálf sex eftir vinnu. Eftir að hafa farið í skýluna stukkum við út í sjóinn, ég og vinnufélagi minn. Það tók smá tíma að fá hita í sig en erfiðast var að komast upp fyrir mitti. Eftir smá erfiði var ákveðið að skella sér á bóla kaf. Þá var það versta búið.
Síðan tók nokkrar mínútur að svamla til að fá hitann í sig. Það gerðist þegar maður dofnaði og útlimirnir urður hálf tilfinningalausir sem er mjög sérstök tilfinning.
Selur fylgdist með okkur skrítnu köllunum að svamla þarna. Var furðu spakur greyið og var ákveðið að reyna ekkert að fara nær. Við höfðum yfirburðina á landi en okkur var ljóst að hann hefði yfirburðina í sjónum.
Eftir tæplega 10 mínútur í sjónum var ákveðið að fara á land sem var mjög sérstök tilfinning. Var erfitt að halda jafnvægi sökum dofa en fljótt varð manni funheitt.
Að lokum eftir að hafa þurrkað sér og farið í fötin var kuldinn farinn að koma fram aftur. Þess vegna brunuðum við í heita pottinn úti á nesi. Mælirinn sagði 7° heitur sjór sem að þykir víst nokkuð kalt. Þess má geta að nokkur snjókorn féllu en þrátt fyrir nokkuð erfitt fyrsta skipti er stefnt á að fara aftur fljótlega. Einhver tilbúinn ??? ;)

Afmæli Jakana

2008-09-08T15:00:00.002Z

Eins og flestir hafa kannski gert sér grein fyrir nú þegar fer að nálgast 4ára afmæli jakana og spurning um hvort að það eigi að fara taka einhverndag frá fyrir það.
Eins og flestir hafa tekið undanfarin ár í þessum félagsskap þá hefur meðlimum fjölgað ár frá ári og þess vegna þarf að taka tillit til þess.
Ég starta því hér formlegri hugmyndasamkeppni um hvað skal gjöra í tilefni dagsins. þess má geta að 11. nóvember er þriðjudagur, þess vegna má nota dagana í kring þess vegna.
hér eru nokkar hugmydir; Kökuboð, matarboð, ísmolahittingur, klifurferð, fjallganga, utanlandsferð, sjósund og maraþonhlaup

Keilir

2008-09-03T21:50:00.002Z

Reynir og Sólrún skelltu sér í þæginlega sunnudagsgöngu á Keili 31. ágúst. Eins og flestir vita er Keilir áberandi móbergsstapi sem að sést vel á leiðinni til Keflavíkur og vel verðugur uppgöngu. Fyrir fullfrískan aðila tekur um 40 mínútur að ganga að fjallinu og minna en 30 mínútur að ganga upp fjallið.

Komumst við á toppinn ásamt mikilli fólksmergð. Við nánari athugun kom það síðan í ljós að við vorum þess aðnjótandi að vera á toppnum með 5tinda mönnum. Tvær myndir af okkur á toppnum fylgja svo hérna að neðan...

.... Kveðja úr Vesturbænum

Reynir

Pallafjör!

2008-08-05T14:42:00.001Z

Vorum að spá í að bjóða í pallafjör þann 15. ágúst (föstudagur).
Ef það verður hinsvegar rigning þann dag þá verður ekkert pallafjör en þá höfum við 16. ágúst til vara.
Fjörið byrjar um 19 leytið. Kveikt verður á nýja grillinu þannig að hvers kyns veitingar eru velkomnar sem hver og einn mun sjá um fyrir sig. Við getum séð um einhverskonar meðlæti (þ.e. ef það er ekki mjög flókið) og/eða eftirrétt. Óáfengir drykkir verða á boðstólnum en áfenga drykki verði þið að koma með sjálf ef sá galsinn er á fólki.
Það væri gaman ef sem flestir gætu komið – langt síðan allir jakar og makar hafa komið saman.
Endilega látið heyra í ykkur.

Leggjabrjótur

2008-08-02T10:53:00.002Z

Ég og Sólrún skelltum okkur yfir Leggjabrjót um daginn í ágætis veðri. Var gengið úr Botnsdal og komið niður í Bolabás á Þingvöllum. Það var svolítið kalt á leiðinni og mjög hvasst en sem betur fer vorum við með vindinn í bakið en ekki fangið. Fín ferð sem tók tæpa sex klukkustundir rólegum gangi alla leið. Læt eina mynd fylgja með hérna úr ferðinni.

Kveðja úr Vesturbænum,

Reynir

Eiríksjökull

2008-07-17T23:47:00.004Z

Eiki gamli flottur í góða veðrinu...

Jæja það kom loksins að því að maður kom sér loksins á Eiríksjökul. Hafði það verið draumur minn lengi að ganga á hæsta fjall vestan Kjalvegar. Það var einmuna blíða sem við fengum á göngunni. Talsverð ganga er að fjallinu yfir úfið hraun og þá kemur maður inn í algjöra paradís þar sem upptök Hvítár eru. Þar þarf aðeins að vaða og leggja svo á brattann.

Útsýnið var heldur ekki af verri gerðinni. Alveg ótrúlegt veður þar sem ekki hreyfði vind. Eftir bratann tekur svo við smá gangur að skálinni sjálfri þar sem jökullinn er.

Síðan tekur við aflíðandi halli á jöklinum sjálfum og er erfitt að átta sig á því þegar á toppinn er komið. Þar verður maður að treysta tækninni þegar metrarnir fara að telja niður aftur.

Ógleymanlegt ferð sem að lítur svo sannarlega vel á á ferilsskránni.

Góðar stundir kæru lesendur

Reynir Jónsson

Bátsferðin á Hornstrandir

2008-07-11T20:25:00.003Z

Halldór hringdi í okkur um daginn og afboðaði sig og frúna í siglinguna, af skiljanlegum ástæðum. Eftir á að hyggja er ekki hentugast í heimi að taka litla trítlu með í siglingu, sérstaklega ekki þegar mamman er sjóveik. Það er spurning hvort að við ættum þá ekki að slaufa þessari bátsferð? Ég veit að það eru bara fyrir fram ákveðnar siglingar á laugardögum, annars er hægt að fá að fljóta með ef þeir eru að fara með einhverja farþega.

-Addú

Strandaferðarpóstur

2008-07-01T21:35:00.000Z

Þá fer að líða að strandaferðinni okkar. Það er kannski ágætt að taka það fram að það er verið að gera húsið upp og því er hálf neðri hæðin alveg out og þar með eitt svefnherbergi. En sá hluti hússins sem er nothæfur er vel nothæfur… Eldhúsið er orðið mjög flott, með nýjum tækjum og stórum góðum ísskáp með frysti ☺ Það eru þrjú svefnherbergi og tvö barnarúm (geta verið þrjú) þannig að það yrðu einhverjir að gista í tjaldi… Reyndar eiga mamma og pabbi (hennar Addúar) líka tjaldvagn sem er geymdur á Hólmavík þannig að það ætti ekki að vera mikið mál að skella honum upp við hliðina á húsinu. Annars er yndislegt að vera þarna, Emelía tekur hvern 3 tíma lúrinn á fætur öðrum (sefur sko ekki svo vel í bænum). Ef fólk er ekki sátt við tjald hugmyndina get ég athugað stöðuna á húsinu hans Afa á Hólmavík, þar ættu líka 2 fjölskyldur gist.
Hverjir ætla annars að koma?

Skriðufell

2008-06-24T21:03:00.003Z

Við litla fjölskyldan ætlum að skella okkur í útilegu um næstu helgi ( lau - sun ). Gaman væri að sjá fleiri á svæðinu. Ætlum að tjalda á Skriðufelli við Þjórsá ( sama stað og í fyrra ).

Kveðja H,H&A

Gat það líka!!

2008-06-22T00:26:00.005Z

kominn á toppinn, ferðafélagi minn að þessu sinni var pabbi

skyggnið var mun betra rétt áður en að við komust á toppinn

Jæja þá er ég loksins búin að fara á hnjúkinn. var mjög heppinn með veður mest allan tíman, fyrir utan á toppnum sjálfum. færið var mjög gott og því var gangan auðveldari en ég var búin að búa mig undir. En ferðin var frábær í alla staði og ég mæli með henni.
Kv. frá þreyttum hnjúkfara

Hraundrangi sigraður

2008-06-15T13:29:00.004Z

Ég Hilmar Kristjánsson, náði toppi hraundranga í gærkvöldi 14.06´08.

Fleiri myndir og ferðasaga væntanleg.

Fréttatilkynning

2008-06-01T17:35:00.003Z

Í Gær þann 31.05.2008 um klukkan 13:00 náðu þeir Hilmar og Reynir loka takmarki í átakinu toppaðu með 66°norður, þ.e.a.s. Hvannadalshnúk.

Ferðin gekk vel og ýtarleg ferðasaga og myndir munu verða birta hér þegar göngugarparnir hafa hvílt lúinn bein.

Jakaferð í sumar

2008-05-22T23:42:00.004Z

Í mikilli sigurvímu á Kjalarnesinu eftir Eurovision var ákveðið að fara í ferð í sumar á Strandirnar. Allir sem voru mættir á Kjalarnesið verða í sumarfríi í júli og var ákveðið að nota sumarfríið og fara á Strandirnar 21.júlí - 25. júlí sem er í miðri viku. Helgarferð þótti frekar stuttur tími. Allir Jakar sem vilja koma með eru að sjálfsögðu velkomnir en að sögn kunnugra er nóg pláss fyrir fullt af tjöldum. Varðeldur, veiði, bátaferð, gönguferðir og fleira verður á boðstólnum. Náttúran í öllu sínu veldi. Endilega takið dagana frá og skráið ykkur því örfá sæti eru laus. Ferðin er styrkt af bjórsjóð bindindismanna og Stat oil.

border="0" alt=""id="BLOGGER_PHOTO_ID_5203537472321559378" />

Smá Eurovision veðmál

2008-05-20T20:21:00.002Z

Jæja, eru ekki allir spenntir fyrir fimmtudagskvöldinu?
Erum að fylgjast með fyrri hlutanum núna, nokkur ágæt lög sem gætu alveg komist áfram.
Vorum að spá hvort fólk væri ekki til í örlítið Eurovision veðmál?
Spá hvaða 10 lög komast áfram, en ekki segja það hér, og sá/sú sem er með flest rétt vinnur 1 stk öl frá hverju pari.
Hvernig líst ykkur á? Bara hafa smá fútt í þessu.
Hvað á svo að eta á fimmtudagskvöldið? Er fólk til í grill eða hvað?
Við vorum að velta fyrir okkur djúsí hammara. Aðrar tillögur? Annars má fólk auðvitað ráða bara sjálft hvað það kemur með.
Er ekki svo sniðugt að allir komi með eitthvað gúmmulaði (snakk, nammi, osta eða eitthvað slíkt) með sér svo það þurfi ekki einhver einn að leggja út fyrir alla hina? Mæting kl. 18:00?

Áfram Eurobandið!

Valgerður og Halldór.

Móskarðshnúkur taka tvö

2008-05-15T22:22:00.011Z

Hér kemur en ein hetjusagan af félögunum Himma og Reyni. Kannski ekki skemmtilegasta lesningin en alltaf gaman að skoða fallegar myndir. Ekki skemmir ef módelin eru fjallmyndalegir Jakar, berir að ofan. Jæja njótið myndan...

Tveir Jakar og aðdáedur Mercdes club númer 1 lögðu í aðra tilraun á Móskarðshnúk á þessu ári. Lagt var af stað í blíðskaparveðri eftir vinnu á miðvikudaginn síðastliðinn 14maí.

Veðrið var svo gott og stillt að bumburnar fengu aldeilis að njóta sín mestan part leiðarinnar.

Hér er Reynir alsæll með frábært veður og þennan líka fallega hlýrabol.

Hópmynd af öllum þeim sem gengu á móskarðshnúkinn 14.maí 2008 (samkvæmt gestabókinni á toppnum)

Hér veltir Reynir fyrir sér útsýninu og logninu sem var uppí skarðinu

Bakhliðinn á Reyni

Á nýjum skóm, nýjum buxum og nýjum bol...Hljómar eins og byrjun á ævintýri

Þegar komið var á topinn var varla hægt að halda aftur að sér gleðinni. Langur draumur um að fara uppá Móskarðshnúk loksins orðinn að veruleika, þeas að minni hálfu

Þetta útsýnini er kostað af La Sportiva
Þessi mynd er í boði 66°Norður faxafeni

Hér er svo eitt money shot af aðal styrktaraðilunum.

Jæja Það styttist í hnúkinn og maður er að verða meira en tilbúinn. Þeir Jakar sem stefna á hnúkinn, þá má ég til með benda ykkur á þessa heimasíðu http://glerardalur.is . Ganga sem er 12júlí í sumar og þess virði að reyna. Ekki slæmt að fá 24tinda í kladdan á einu bretti, Við Reynir ætlum allavega að reyna. Svo er fyrirhuguð ferð á Hraundranga um miðjan júní.

Þurfum við svo ekki að fara að skipuleggja Jaka útilegu

Ok ég er hættur, takk fyrir og góða nótt

Himmi

Fjölskylduvænn eurovisionhittingur

2008-05-08T09:35:00.003Z

Verið þið sæl!!
Er ekki kominn tími á hitting?? Var að hugsa hvort að við ættum að endurtaka leikinn frá því í fyrra og hafa fjölskylduvænt eurovisionpartý. Hvernig lýst ykkur á? Ég veit svo sem ekkert hvenær við eigum að keppa en ég veit að það eru undankeppnir 20 og 22.maí og svo er úrslitakeppnin 24.maí.
Eurovisionsnillingarnir hjá Páli Óskari spá því að þetta lag detti út, hvað haldið þið?
En endilega látið í ykkur heyra, við erum laus alla þessa daga.
Kv. af Kjalarnesinu

Móskarðshnjúkar/Hekla

2008-05-05T20:31:00.011Z

Síðasta vika í máli og myndum.

Hilmar og Reynir skelltu sér á tvö fjöll.

Fyrra fjallið var Móskarðshnjúkur á miðvikudaginn 30.apríl. Lagt var af stað eftir vinnu og bjuggumst við félagar við léttri göngu daginn fyrir 1.maí. Uppgangan gekk vel þangað til að toppurinn nálgaðist. Þá tók á móti okkur þvílíkt hávaða rok að flestir áttu erfitt með að standa í lappirnar, þannig ekkert vit var að halda lengra. Móskarðshnjúkur er því en ósigraður allavega að minni hálfu. Við félagarnir vorum nú ekki alveg samt sáttir og fórum í kapphlaup upp smá hól þarna. Þegar upp var komið var eins og bíll hafi keyrt á mann, svo mikill var vindurinn að hann feikti okkur um koll. Ágætis adrenalín kikk það og næst á dagskrá er að kaupa sér vindmæli til að geta komið með tölulegar upplýsingar hingað inn.

Næst á daskrá var drottningin Hekla

Lagt var af stað um klukkan 7 um morgunin og bílnum lagt í Næfurholtsfjöllum ca 2tímum seinna eftir smá jeppabrölt þar sem Suzuki stóð sig með stakri prýði og var eiganda sínum til sóma.

Veðrið var mjög gott þrátt fyrir smá rigningu til að byrja með á göngunni. Þegar búið var að klífa snæviþakta fjallshlíðina og Hekluhryggurinn nálgaðist var Kári farinn að minna á sig með tilheyrandi snjófoki.

Þegar komið var í ca 1200m hæð og var um 2km labb á hryggnum eftir þegar farastjórinn ákvað að snúa við. Vindurinn lá beint i fangið og ekki fýsilegt að halda áfram. Enda þegar svona mikill vindur er erfitt að stoppa án þess að hreinlega ofkælast.

Auðvitað hlýnaði svo á leiðinni niður og veðrið lék við okkur. En aldrei sást í toppinn á Heklu svo þykkur var skýjabakkinn yfir henni. Þrátt fyrir þessi vonbrigði var útýnið gott á leiðinni niður og ansi gaman var að renna sér niður mjúkan snjóinn á afturendanum.

Hekla mun semsagt bíða eftir að komast á listann yfir sigruð fjöll. Það má segja að síðasta vika hafi ekki verið sú besta í fjallgöngubransanum. En þá er bara að krossa fingurna því það styttist í Hnjúkinn eða 31.maí

Eyjafjallajökull

2008-04-13T22:20:00.005Z

Morgun laugardagsins 12. apríl lögðu tveir ferðalangar í fjallgöngu upp á Eyjafjallajökul ásamt hópi fólks með Íslenskum fjallaleiðsögumönnum. Lögðum við af stað úr bænum rúmlega 7 og var lagt á fjallið rúmlega 10. Takmarkið var hæsti tindur Eyjafjallajökuls, Hámundur, sem er samkvæmt sumum kortum 1666 metra yfir sjávarmáli. Í upphafi ferðar var maður spenntur og hlakkaði til átaka dagsins enda er maður sposkur á svip. Var undirbúningur góður hjá okkur báðum sem hafði hafist nokkrum dögum fyrr.
Á leiðinni fengum við algjörlega frábært veður. Held að þegar vindurinn var hvað sterkastur hafi hann náð 2-3 vindstigum. Hilmar situr að snæðingi og horfir dreymandi til fjalla.
Í kringum 700 metra hæð var numið staðar, beltin fest og línurnar dregnar fram. Var það mál manna hversu þæginleg þessi belti eru eftir strekkingu. 1000 metra á snjó- og klakkabrekka bíður eftir að vera troðin niður.

Leiðsögumaðurinn var fremstur, síðan og ég (Reynir) og fyrir aftan mig voru 10 aðrir í línunni. Gekk ferðin vel fyrir sig og ágætu tempói haldið. Þegar efst var komið tók við smá klettabrölt en það hafðist án allra stóráfalla. Eftir um 5 tíma göngu komum við loks á toppinn í algjöru logni. Þó var útsýni ekkert sökum skýja en veðrið var samt frábært.
Eftir að hafa sest niður á toppnum (Hámundi) og borðað var haldið niður. Tóku allir í línunni þá sameiginlegu ákvörðun að ganga á Guðnastein líka. Er það aðeins lægri klettasylla og miklu meira áberandi toppur en Hámundur. Þangað var gengið upp og þá gægðist sólin fram úr skýjunum. Náðist þá myndin hér fyrir neðan af Hámundi. Þar má sjá nokkra hópa á og við toppinn.
Það tók um 3 tíma að ganga niður og tók því gangan alls um 8 tíma. Með bílferðinni var þetta rúmlega 12 tíma ferðalag og því þreyttir einstaklingar sem að komu til Reykjavíkur og Kópavogs um kvöldmatarleytið. Frábær ferð á frábært fjall, ekki eru mörg fjöll sem að eru hærri en Eyjafjallajökull og því fer þetta í hall of fame hjá okkur báðum.

Kveðja úr Vesturbænum,

Reynir Jónsson.

Vífilfell 6.apríl 2008

2008-04-07T22:04:00.003Z

klukkan 7 á sunnudaginn 6.apríl lögðum við verðandi hnjúksfariog hnjúksfari í göngu á Vífilsfell. Miðvikudeginum áður var farinn ferð á sama fjall í æfingaprógraminu hjá 66° en hvorugur okkar komst svo við ákváðum að friða samviskuna og klára þennan "tind". Í þeirri miklu frosthörku sem Snæfellsjökull bauð uppá voru dúnúlpurnar dregnar með til frekari prófana.
Gangan gekk vel enda höfum við líklega aldrei verið eins vel búnir og núna, enda reynslan farin að segja til sín. Ísaxir og broddar voru með í för en ekki var broddunum brugðið undir skóna í þetta skiptið. Axirnar komu reyndar að góðum notum við að höggva spor upp síðasta spölinn.

Útsýnið gerist varla betra en á sunnudaginn og mátti sjá meðal annars Vestmannaeyjar, Heklu og Eyjafjallajökul okkar næsta áfangastað.
Sökum hversu veðrið var gott og lék við okkur var náttúrulega við hæfi að smella af nokkrum tugum mynda. Enda fátt skemmtilegra en fyrir aðra Jaka að skoða myndir af mér (Himma) og Reyni. Bara endilega látið mig vita ef þið viljið fá þær í betri upplausn og ég sendi ykkur um hæl :)
Jæja þangað til næsta myndaveisla kemur inn frá Eyjafjallajökli...

Góðar Stundir

Himmi

Snæfellsjökull sigraður

2008-04-01T17:04:00.003Z

Það var að morgni laugardags 29. mars að við Hilmar lögðum í ferð með það að markmiði að ganga á Snæfellsjökul. Allir þekkja þetta eldfjall sem að sést svo vel frá Reykjavík á góðviðrisdögum og hefur margur dreymt um að ganga á fjallið. Loksins gafst tækifæri til þess.

Var lagt af stað úr bænum klukkan 7 um morguninn í ágætu veðri með þremur lánsmönnum, pabbi og tveir vinir hans. Uppganga hófst kortér yfir 10 í björtu veðri en hífandi roki og skítkalt. Gekk ferðin upp nokkuð greiðlega en það kólnaði jafnt og þétt þegar ofar dró ásamt því að það hvessti með skafrenningi. Eftir um fjögra tíma erfiði komumst við loksins á toppinn í skítakulda og roki. Útsýnið var ekkert og frost var -12. Einn fararstjórinn sagði að með vindkælingu var frostið rúmlega 30 gráður. Sáust kalblettir í andlitum sumra og voru fingur og tær hætt komnar.

Eitt augnablik birti aðeins til og hlupum við Hilmar og tókum þessa mynd af mér með klettinn í baksýn. Sekúndu seinna hvarf hann í skafrenninginn. Auðvitað stillti Hilmar sér síðan upp með 66°norður flaggið sitt. Sést vel á búnaði hans hve kalt var þarna uppi.
Niðurgangan gekk ágætlega en það tók svolítið á fæturnar. Fannst sumum hún erfiðari en uppgangan. Að lokum þá fékk ég eina mynd lánaða hjá honum Magga sem að trackaði leiðina með nokkrum tölulegum upplýsingum.
Óhætt er að segja að þessi fjallganga var vel þess virði. Hins vegar mun maður fara aftur þarna upp þegar veður er betra til þess að geta notið útsýnisins betur. Stefnan er síðan á Eyjafjallajökul eftir eina og hálfa viku. Það verður gaman...

Reynir

Páskafrí

2008-03-19T22:14:00.002Z

Loksins er maður kominn í páskafrí... gleðilega páska allir saman.

Skarðsheiði 1. mars 2008

2008-03-02T08:14:00.004Z

Laugardagsmorguninn 1. mars skelltu ég (Reynir) og Hilmar okkur í ferð upp á Skarðheiði í hreint út sagt frábæru veðri. Var lagt við bæinn Efra-Skarð og hafið göngu þaðan. Fyrir staðkunnuga þá er það mjög nálægt veitingastaðnum/gistiheimilinu Skessu-Brunnar. Stefnt var á tvo tinda, Skarðshyrnu og Heiðarhorn. Skarðshyrna er mest áberandi tindurinn sem er fremst (lengst til vinstri) séð frá Reykjavík og er eins og píramídi í laginu. Heiðarhorn er hins vegar hæsti hluti Skarðsheiðarinnar (rúmir 1050 metrar) og sést hann örlítið hægra megin við Skarðsheiði séð frá Reykjavík. Uppganga hófst um hálf 11 í frábæru veðri eins og myndirnar bera með sér og sóttist hún ágætlega. Í upphafi var fylgt Skarðsánni upp Skarðdalinn og farið yfir hana við Skarðsfoss. Þaðan var haldið á brattan og tekin bein lína á topp Skarðhyrnu. Þegar þangað var komið sáum við loksins Heiðarhornið og blés það líf í þreytta ferðalanga. Hryggurinn var genginn að Heiðarhorni og fóru tveir undanfarar þangað upp að kanna ísalög. Síðasti spölurinn sóttist frekar hægt en að endingu komust við á toppinn ásamt öðru leiðangursfólki.
Veðrið gat ekki verið betra og var algjört logn á toppnum. Þess vegna var staldrað þar við í dágóðan tíma og notið blíðunnar. Útsýni var frábært og fjöll sem að sáust í fjarska voru m.a. Keilir, Esja, Eyjafjallajökull, Botnsúlur, Skjaldbreiður, Hlöðufell, Langjökull, Baula, Ljósufjöll, Snæfellsjökull, ásamt fleirum.

Niðurferðin gekk hratt fyrir sig og komum við að lokum í bílanna. Þar var teygt á öllum helstu vöðvahópum. Síðan var lagt af stað í bæinn og vorum við komnir heim um hálf 7.
Óhægt er að segja að þessi ferð hafi tekist mjög vel. Veðrið gat ekki verið betra og færið var gott. Smá ísing á nokkrum stöðum ásamt hnédjúpum snjó á tímabili en ekkert til að kvarta yfir. Það er ekki oft sem að maður gengur á fjall sem er yfir 1000 metrar að vetri til. Að vanda þá stóð isostar orkudrykkur vel fyrir sínu og vorum við vel birgðir af orkusúkkulaði. Döðlurnar og sítrónurúsínurnar okkar fóru aðeins hægar niður. Þá er bara næsta ferð og er hún næsta miðvikudag á Esjuna. Göngugörpunum er strax farið að hlakka til og byrjaðir að telja niður.

Kveðja úr Vesturbænum árla sunnudagsmorguns,

Reynir og Lydía.

Skálafell

2008-02-28T16:50:00.005Z

Ég, Reynir og Halldór Skelltum okkur í smá göngu á sunnudaginn 24febrúar eins og áður auglýst var. Þar sem að þetta var konudagurinn ákváðum við að gefa konunum smá frí frá okkur einn dag.

Ferðinni var heitið á Skálafell á Hellisheiði, ég er nú ekki sá staðkunnugasti en þið bara leiðréttið mig ef það er eitthvað.

Við lögðum af stað upp úr birtingu og tók gangan upp ekki um nema einn og hálfan tíma enda mikið frost og harðfenni sem að flýtti förinni yfir snjóinn. Við áttum þó í smá vandræðum með fyrstu brekkuna en þar komu göngustafir Reynirs að góðum notum. Alveg á hreinu að fyrir næstu ferð verður að ráða bót á því, fara útí búð og fjárfesta strax í göngubroddum og ísexi.

Það er óhætt að segja að Veðrið hafi leikið við okkur, Sólinn heiðraði okkur með nærveru sinni þó svo að það hafi verið frekar kalt eða um -9°C svo má áætla að vindkælingin hafi bætt við nokkrum stigum en hún sagði nú ekki til sín nema við rætur fjallsins og á Toppinum.

Útsýnið var rosalegt enda skyggnið gott.

Á toppnum voru svo teknar myndir í tugatali. Þorstan slökkti Isostar blandið mitt, alveg rétt blandað í þetta skiptið og ískalt úr bakpokanum.

Fáninn frá 66°norður var með í för enda stóð klæðnaðurinn sig prýðisvel að vanda ;)
Halldór að pósa með Suðurlandið í baksýn, Ég má til með að nefna að Halldór tók með rjómasúkkulaði en ég var með rjómasúkkulaði með rúsínum og hnetum. Bara svona til að fyrirbyggja allan misskilning
Hér eru svo loftmynd af ferðafélögunum.
Ég að kíkja smá á toppinn áður en við snérum við.
Hér eru svo skuggarnir sem fylgdu okkur á leiðina á toppinn en voru svo undanfarar á leiðinni heim.

Næst er svo Skarðsheiði á Laugardaginn með Fjallaleiðsögumönnum og 66°north og lofar veðurspáinn svipuðu veðri eða jafnvel betra, takk fyrir og góða nótt

Búrfell

2008-02-18T13:50:00.003Z

Við Félagarnir fórum í smá göngu á laugardagsmorgunin í tilefni þess að stefnt er á hnjúkinn innan skamms. Mikilvægt er að vera kominn í gott form fyrir slíka göngu og er því hver stund þessa dagana nýtt í gönguferðir.

Í þetta skiptið var lagt eðeins of snemma af stað um morguninn, þurftum að bíða í bílnum þangað til að það birti almennilega.
Ferðinni var heitið uppá Búrfell sem er nú ekki það hátt fjall en smá ganga til að koma hjartslættinum af stað. Gengið er upp gjá sem heitir Búrfellsgjá og er margt að skoða á leiðinni eins og gömul fjárrétt, skútar og byrgi. Einnig eru í henni nokkrar mjög djúpar sprungur fullar af vatni svo hafa skal varan á þegar gengið er fyrst um sinn.

Jæja eftir mörg stopp og hellarannsóknir varð ég að fá eitthvað action í blóðið og lét mig hanga fram af þessum 3m háa kletti

Ég kominn uppúr Búrfelsgjá. En þess má nefna að skilyrði til myndatöku voru frekar slæm, Rigning, lágskýjað og rok þannig að nær allar myndir í ferðinni voru hreyfðar eða ekki í fókus

Hér bregður Reynir á það ráð að krjúpa svo að hann haldist stöðugri fyrir myndatökuna

Hér er ég að skríða á topp Búrfells sem er um 179m á hæð uþb 100m hækkunn (rosalegt)

Ein smá photoshoppuð í lokinn Reynir á toppi Búrfells

Svo er bara æfing með Íslenskum Fjallaleiðsögumönnum á Miðvikudaginn og einhver svipuð ganga plönuð næstu helgi allir velkomnir með

Himmi

Myndir

2008-02-10T21:09:00.000Z

Myndir frá því í gær eru á leiðinni á Flickr síðuna í þessum skrifuðum orðum.

Hér eru vinningshafarnir, eyrnapinninn sem var valinn frumlegasti búningurinn og flottastur var Hilmar´s ofur egó

Búningapartý Jakanna 2008

2008-02-05T15:29:00.000Z

Þá er búningapartýið handan við hornið og allir jakar eflaust sveittir við að leggja lokahönd á meistaraverkið.
Húsið opnar klukkan 8.
Fyrir þá sem muna ekki þá búum við á Sævangi 19.
kveðja
Doddi og Addú
PS. Get komist yfir bjórdælu ef áhugi er fyrir hendi á slíku. Þarf þá að hendast eftir einum kút.

Laugardagurinn 9. febrúar

2008-02-04T12:30:00.000Z

Þá styttist í hittinginn sem verður næsta laugardag í Hafnarfirði.
Hvenær á að mæta?

The Red Team

2008-01-26T22:19:00.000Z

Hellafélag Jakanna, The Red Team, fór í enn eina hellaferðina um daginn. Fyrir valinu varð Leiðarendi. Þar höfðum við báðir komið áður en þangað var farið til að fullkanna hellinn ásamt því að setja meiri metnað í ljósmyndun. Var fína vélin hans Hilmars tekin með, þrífótur og öflug ljós. Læt fylgja nokkrar myndir hérna með úr ferðinni.

Athyglisverður dropasteinn.
Hilmar eitthvað að fikta í myndavélinni sinni sennilega.
Kindin sem að fór inn og kom aldrei út aftur. Af henni dregur hellirinn nafnið sitt og er talið að þessi beinagrind sé meira en 1000 ára gömul.
Upphaf Leiðarenda.
Flott grýlukertin úr loftinu.

Enn er tekið við fleiri meðlimum í The Red Team...

Kveðja, Reynir

Fyrir þá sem hafa áhuga

2008-01-23T00:21:00.001Z

Matur fyrir alla

2008-01-21T22:59:00.000Z

Já hún er kominn í búðirnar ekta dönsk Jaka dósaskinka á aðeins 749kr/stk
Auðvitað má díla með verðið fer auðvitað allt eftir magni.
Er með þónokkurn lager af þessu heima reiknaði með einu bretti fyrir hvern jaka og tvö bretti fyrir Ella. En fyrstur kemur fyrstur fær, Ég tek við pöntunum hér á commentakerfinu og ekki má gleyma fríu heimsendingunni innan stór Kópavogssvæðisins. Það þar nú svosem ekkert að aglýsa þetta, skinkan selur sig sjálf. Og munið ekkert er gaman án skinku. Frekari upplýsingar má finna á www.JakaSkinka.com
Fyrir hönd innfluttningsráðs
Hilmar
P.S. Eki verður tekið á móti pöntunum 26-30 janúar þar sem ég verð erlendis að markaðsetja skinkuna í þýskalandi.

Ferðin til Mekka knattspyrnunnar

2008-01-16T01:06:00.000Z

Fleiri myndir á Flickr síðu Jakanna.

Búningapartý

2008-01-07T19:23:00.000Z

Gleðilegt nýtt ár og takk fyrir það liðna
Jæja þá er aldeilis farið að styttast í hið árlega búningapartý Jakana 2008.
Undirbúningur hefur verið í gangi hér í kópavogi undanfarna 7mánuði og eru nú búningarnir farnir að taka á sig ansi skemmtilega mynd. Ég ætla að vona að allir séu að taka þetta jafn alvarlega og við skötuhjúin enda gerum við lítið annað þessa dagana en að ræða búninga mál og hvaða kokteil eigi að starta kvöldinu með, Valið er á milli pink cherry blossom bath eða rainbow shower on the beach.
Þá er bara spurningin hvar á að halda teitið. Doddi og Addú voru búinn að bjóða heimili sitt bara spurning hvort að það boð standi.
Við erum alveg til í heimsókn í Hafnrafjörðinn hvað segið þið?

Gleðileg jól!!

2007-12-24T15:10:00.000Z

Gleðileg jól og takk fyrir síðast!!
Fín myndasíðan Herdís, ég hendi inn myndum á hana við tækifæri.

2007-12-12T23:32:00.000Z

Takk fyrir síðast. Ég bjó til Flickr síðu fyrir Jakana og setti inn nokkrar myndir frá Kokteil kvöldinu. Gaman væri ef þið ættuð myndir frá Jaka hittingum að þið mynduð setja þær inn á síðuna.
Ég hafði hana læsta þar sem mörg okkar eru komin í ábyrðarstöður og sumir hverjir að ala upp börn og því ekki við hæfi að birta myndir á opinberum veraldar vefnum

Ég sendi ykkur aðganginn via e-mail.

Sýnishorn

Gleði í Kópavogi

2007-11-29T14:24:00.000Z

Nú eru tveir dagar í árshátíð Jakanna og ekki laust við að það sé komin smá tilhlökkun í mann. Er einhver alvara í því að drekka kokteila eða verður bara gamli góði mjöðurinn sötraður? Var bara svona að spá því þá þarf maður að kaupa í það. Annars sættir maður sig við svo sem hvað sem er...

Kveðja úr Vesturbænum

Setti inn loftmynd sem ég átti af leiðinni yfir Leggjabrjót sem að hluti hópsins fór yfir síðasta sumar.

Fyrir þá sem hafa gaman af Ricky Gervais

2007-11-21T13:14:00.000Z

Ricky Gervais Politics Tour Live

Hluti 1:
http://www.youtube.com/watch?v=a32A_lFQtoE

Hluti 2:
http://www.youtube.com/watch?v=dmjwIqhqMI8

Hluti 3:
http://www.youtube.com/watch?v=F06mxL31K_E

Hluti 4:
http://www.youtube.com/watch?v=-cwPWqfzulc

Hluti 5:
http://www.youtube.com/watch?v=UGNDDT_iKgs

Hluti 6:
http://www.youtube.com/watch?v=UvwN3CfO560

Hluti 7:
http://www.youtube.com/watch?v=BRrzQf8I5nY

Skemmtanahald

2007-11-20T12:22:00.000Z

Árshátíð Jakana verður haldin 1 desember

Aðalréttur: Kjúlli með hrísgrjónum og naan brauði

Eftirréttur: Bettý

Staður: Kópavogur

(ef þið viljið hafa þetta annars staðar þá segið þið bara til)

Stund: 1.des kl 19:00

Sterkt áfengi verður í boði húsins*

*ykkur er velkomið að koma með bland

Miðaverð:1000 krónur

Vinsamlegast meldið ykkur hér fyrir neðan

Slave of fashion?

2007-11-14T19:16:00.001Z

Núna eru Jakarnir þekktir fyrir að vera mikið tískufólk og fylgja öllum nýjustu straumunum. Því kom mér það ekkert á óvart að sjá fulltrúa Jakanna í sjónvarpinu áðan á heitasta barnum á landinu í dag, Bar Panorama, í flugstöð Leifs Eiríkssonar. Sátu þar Halldór og Valgerður í góðu yfirlæti yfir öli að mér sýndist. Ekki ómaklegt að fá að sjá Arnar Gauta í eigin persónu. Annars þótti mér bara svo gaman að sjá þau í hönnunarþættinum Innlit-Útlit. Hvað gerist næst? Verður Elías Már hjá Agli Helgasyni í bókmenntaþættinum Kiljunni á ríkissjónvarpinu?

Kveðja úr vesturbænum,

PS. á að halda upp á þriggja ára afmæli Jakanna með veglegu kökuboði eins og í fyrra?

Til hamingju með daginn

2007-11-01T17:30:00.000Z

Vildi bara óska ykkur til hamingju með daginn í gær... Vanilla Ice er orðinn fertugur.

Hellaskoðun, hvað annað

2007-10-20T21:17:00.000Z

Við ´félagarnir skelltum okkur í hellaferð, Búri var heimsóttur. Meira um það síðar

Smá myndband frá því að Reynir kemur aftur upp í dagsljósið.

Hellaskoðun, Litli Björn-Vörðuhellir

2007-10-14T00:03:00.000Z

Hellaskoðunar ævintýrið heldur áfram

Við félagarnir í Hellarannsóknarfélagi Jakana (The RedTeam eins og köllum okkur :)) skunduðum á Þingvöll og treystum vor heit í dag 13.okt, eftir margra mánaða ekki gera neitt tíma (allavega að minni hálfu).

Leiðinni var heitið í Litla björn og hann átti víst að tengjast vörðuhelli. Við félagarnir sannreyndum það og skriðum í gegnum þvílíku þrengslin og á tímabili var manni bara ekki alveg sama.

Svolítið óþægilegt að koma svona inn í einhvern annan helli eftir að hafa skriðið á maganum inní hann og ekki vita hvar í helvítinu maður er staddur. Ég verð nú að játa það ég hef aldrei verið eins fegin í hellaferðum og nú þegar við losins sáum dagsljósið. Lengd hellana samanlangt var eitthvað 800m, Reynir leiðréttir mig ef það er rangt. Man ekki alveg hvað þetta tók langan tíma en þegar það er gaman þá líður tíminn hratt.

Næst á döfinni hjá hellarannsónarfélaginum er að fjárfesta í alvöru ljósum og taka betri myndir.

jæja fleira verður í þættinum í kvöld

verið þið sæl

Lítið að gerast

2007-09-24T16:22:00.000Z

Er ekkert að gerast hjá ykkur. Ekkert gerst á þessari síðu allavega. Þegar við hittumst síðast þá var fólk nú til í næstum hvað sem er. Reynir tjáði mér það að hann og Sólrún væru búin að ákveða búning fyrir næsta partý. Þá er bara spurningin hvort að við ættum ekki að setja niður dagssetningu fyrir það. Ég var að skoða dagatalið og sá að 19. jan, 26. jan og 2 febrúar 2008 eru laugardagar. Kemur einhver af þessum dögum til greina? Það er auðvitað skilyrði að sem flestir geti mætt. Látið í ykkur heyra. Fyrir okkar skiptir ekki máli hvaða dagur þetta er en laugardagarnir eru bestir í þetta held ég.

Eiríkur 1 árs

2007-08-31T08:38:00.000Z

í tilefni af því set ég þessa mynd inn sem ég er ótrúlega ánægð með, þrátt fyrir að Stebba finnist þetta ekki nógu merkilegur leikari. Hittum súkkulaðidrenginn Jared Leto í Köben á dögunum.

Annars erum við til í hitting á næstunni, helgin er reydar nokkuð þétt hjá okkur, en annars erum við bara nokkuð laus.

Hvað er að frétta af Jökunum

2007-08-28T14:16:00.000Z

Eru allir nú þegar farnir í dvala fyrir veturinn ? Ég held að þetta sé með því lélegasta útivistarsumari hjá okkur í ár, einungis ein útilega og ekki útlit fyrir fleirum. Himmi fór reyndar í nokkrar göngur en mest lítið annars gert. Það verður sko fjárfest í góðum göngupoka handa Arngrími næsta ár og farið upp á fjöll !

Hvernig væri að hafa smá Jaka hitting, sýna sig og sjá aðra ? Þó það væri nú ekki nema að grilla pylsur eða hittast yfir vöfflum með rjóma !

Látið í ykkur heyra

Keppnin

2007-08-12T14:40:00.000Z

Kvartmila

2007-08-10T15:15:00.000Z

Jæja þá er komið að því, á morgun mun Stebbi loks taka þátt í keppni um kl 13:00. Keppnin fer fram upp á kvartmílubraut og ég held að það kosti um 1000kr inn. Vildi bara láta ykkur vita ef einhver hefur áhuga.
Kv. Ásta

Ps: já keppnin mun fara fram svo framalega sem það rignir ekki

Bláa þruman prófuð

2007-08-02T23:16:00.001Z

Hratt flýgur fiskisagan

2007-07-31T23:31:00.001Z

Varla frásögufærandi en Sandvatn er eitt fiskveiðivatn landsins þessa dagana. Á göngunni yfir leggjabrjót nældi ég mér í nokkra laxa en þurrkatíðinn í sumar hefur greinilega haft áhrif á fleira en gróðurinn enda fiskurinn frekar þurr að sjá. Vegna plássleysis í bakpokanum voru fiskarnir jarðaðir á staðnum svo ég verð að bíða með að fá einn uppstoppaðan 30punda lax á stofuveginn.
Ég legg því til að i næstu ferð verður almennilegur veiðibúnaður tekinn með, því aldrei veit maður hvenar maður lendir á svona fiskerí aftur.

Jæja það er fiskilykt af þessu öllu saman

kv Himmi Kvótalausa fíflið

Leggjabrjotur - myndir

2007-07-31T22:30:00.001Z

Leggjabrjóturinn

2007-07-30T11:46:00.000Z

Eftir mikla skipulagningu var loksins haldið af stað í gönguferð yfir Leggjabrjót úr Botnsdal á Þingvöll. Byrjaði dagurinn eldsnemma þar sem Reynir og Halldór keyrðu á Þingvöll og skildu eftir bíl þar. Síðan var haldið í Mosfellsbæinn og beðið eftir Hilmari og tengdaföður hans sem að skutlaði okkur í Botnsdal í Hvalfirði. Komið var á staðinn um 9 og í för voru Halldór, Hilmar, Reynir og Valgerður.

Ferðin sóttist nokkuð hratt til að byrja með í góðu veðri og fólk spennt fyrir ferðinni. Fljótlega fór hungrið að segja til sín hjá hluta hópsins og var ákveðið að á við Sandvatn. Þar var ferðin tæplega hálfnuð og fólk hámaði í sig nestið. Eftir það var setið í sólinni og spjallað í dágóðan tíma. Einnig styttum við okkur stundir með smá fíflalátum auk þess sem fyrsta neðansjávarvarða Sandvatns var búin til.

Haldið var áfram og að lokum náðum við hæsta punkt þar sem Leggjabrjótur er skammt frá og að sjálfsögðu var tekin hópmynd þar. Á þessum tímapunkti var hitinn farinn að aukast og sólin að rísa hærra. Síðasti hluti ferðarinnar gengum við meðfram Öxaránni í aflíðandi halla með útsýni yfir Þingvöll. Að lokum komum við að bílnum þar sem var lagst í grasið, étið og rætt um viðburði dagsins.

Er þetta nokkuð auðveld ganga sem ætti að taka um 4-6 tíma fyrir fullfrískt fólk. Nóg er að sjá á leiðinni þar sem Botnsúlur og gljúfur Öxarár standa helst upp úr. Einnig var gaman að koma að Sandvatni og upp á Leggjabrjót þar sem maður sér greininlega af hverju hann ber það nafn. Að lokum vil ég skora á Halldór að setja inn einhverjar myndir úr ferðinni.

Kveðja úr vesturbænum,

ReynirJ

Leggjabrjótur it is!

2007-07-26T13:53:00.000Z

Jæja þá er það ákveðið við ætlum að skella okkur í göngu á laugardagsmorgun og ferðinni er heitið á leggjabrjót eða í leggjabrjót skiptir engu máli.
Þeir sem hafa boðað komu sína eru ég Hilmar frá Kópavogi, Hjónakornin úr Mosfellsbænum og síðast en ekki síst Reynir úr Árbænum. Halldór er reyndar að berjast við kvefpest en kappkostar við að reyna að ná sér.
Ef fleiri vilja með þá endilega drífa sig að ákveða sig til að hægt sé að fara huga að bílamálum.

Svo er það Héðinsfjörður um Versló fyrir þá sem hafa áhuga.

Servus
Hilmar

Vitni taka lýsi eða lýsi eftir vitnum

2007-07-24T14:19:00.000Z

Smá rugl fyrirsögn en ég er að leita að einhverjum sem gæti haft áhuga á að skella sér í litla göngu á fös eða lau og gista í eina nótt einhverstaðar. Ekki ósvipað og hin margrómaða ferð í Innstadal var. Ef einhver hefur hugmyndir eða vill koma með endilega commentið.
farinn að vinna
kv Hilmar Einbúi

Erum aftur byrjuð að blogga

2007-07-23T14:34:00.000Z

Fyrir þá sem vilja fylgjast með okkur þá erum við aftur byrjuð að blogga á blogcentral.is/valdor.
Það er alltaf þannig að þegar einn úr fjölskyldunni flytur erlendis þá byrjar maður að blogga.
Allavega, getið kíkt á þetta ef þið viljið.

kveðja
Valgerður yfirbloggari og Halldór ekki svo mikill bloggari.

Party a föstudaginn

2007-07-17T16:34:00.000Z

Sælir Jakar
Við á Þrastarhöfðanum bjóðum ykkur í partý á föstudaginn kemur, léttar veitingar í boði. Vonast til að sjá sem flesta.
Mæting eftir kl. 20:00

Endilega látið okkur vita hvort að þið komið.

Fjallganga

2007-07-17T14:59:00.001Z

Ég skellti mér í veiðiferð norður á Skagaheiði um daginn í 3 nætur þar sem ég notaði hálfan dag í fjallgöngu. Var mesta útsýnisfjall landsins fyrir valinu, Mælifellshnjúkur. Kunnugir segja að sjá má fjallið úr 10 sýslum en ekki var það sannreynt að þessu sinni og er þetta þar með víðsýnasta fjall landsins.

Er það auðvelt uppgöngu um skriður eftir ógreinilegum stikum og hvergi nein raunveruleg hætta. Ferðin tók um 3 klst upp og niður með hálftíma stoppi á toppnum í 1147 metra hæð samkvæmt opinberum kortum. Læt hér fylgja nokkrar myndir með.

Í sól og sumaryl ég samdi þennan dálk...

2007-07-11T20:51:00.000Z

Það er nú meiri einmuna blíðan sem hefur verið í landinu síðustu daga. Það var nefnt í brúðkaupinu hjá Halldóri og Valgerði hvort það væri ekki stemning fyrir útilegu. Besta veðurspáin er klárlega á Vesturlandi og í uppsveitum Suðurlands þannig að stefnan er að sjálfsögðu þangað. Allavega voru ég og Sólrún að spá í að fara eitthvað úr bænum í sólina. Allur félagsskapur er vel þeginn í tjaldútilegu. Einhver stemning fyrir henni?

Jaki i landsliðinu gegn Svium

2007-07-05T00:54:00.000Z

Vil minna fólk á að Himmi er að spila á föstudaginn með íslensku Nördunum gegn þeim sænsku. Hef heyrt að Himmi sé með nóg af miðum. Við munum reyna að mæta.

Halló halló hver vill koma í pylsupartý ?

2007-06-21T12:57:00.000Z

Hvað segið þið um að hittast og grilla pylsur á laugardaginn ? Nýr ísmoli kominn í heiminn sem öllum langar að sjá, hana Emelíu Guðjörgu.

Við sjáum um grillið, sósurnar og drykkarföng, þið megið koma með pylsur (hver fyrir sig (eða e-ð annað)).

Fyrsta útilegan vel heppnuð

2007-06-02T22:16:00.000Z

Við félagar Himmi&Jói og Reynir skelltum okkur í langþráða útilegu uppí innstadal í gærkvöldi. Ferðinn gekk vel þó svo að það hafi ringt allan tíman sem á göngu stóð. Þegar við vorum komnir innst í dalinn stytti svo upp og hinn frábæri 3ja laga öndunarfatnaður frá 66°Norður var ekki lengi að láta okkur verða þurra aftur.

Við tjölduðum til einnar nætur og vorum komnir í bæinn aftur eitthvað um 8-9 í dag laugardag.

Þetta var bara hin hressilegasta útilega og mæli ég eindreigið með svona varpokum í styttri gönguferðir.

Langjökull

2007-05-27T22:50:00.001Z

Fjölskyldan skellti sér í jöklaferð upp á langjökul í dag sunnudag og var í samfloti með tveimur öflugum jeppum, þar voru á ferð pabbi hans Stebba og vinur hans

Í fyrstu gekk ferðin upp jökulinn nokkuð vel, þó að færið væri mjög þungt að sögn kunnugra manna

meira að segja festu þeir sig sem voru á fjórhjólum

fjölskyldan á hábungu Langjökuls, jökullinn hans Eiríks í baksýn

það var nokkuð bratt að keyra upp á hábunguna

Gúrkan varð að sætta sig við að komast ekki alla leið, þrátt fyrir frábæra frammistöðu. Hinir tveir bílarnir sem voru með í för áttu í mesta basli við að komast upp þrátt fyrir að vera fullbúnir jöklajeppar á 44" blöðrum.

Skessuhornið og Skarðsheiðin tignarleg (tekið frá Hvítárvöllum)

Eitthvað planað í sumar

2007-05-16T10:17:00.000Z

Jæja þá eru kosningarnar búnar og líklegt að helv.... stjórnin haldi áfram. En hvað sem því líður þá er að koma sumar. Er fólk búið að skipuleggja sumarfríið? Verður farið á fjöll? Á Strandirnar? Í fjallgöngu? upp á jökul? eða eitthvað annað? Ætli það verði hægt að fara í Jakaútilegu?

Eurovision-kosninga-fjölskylduvænt-grillparty

2007-05-03T13:02:00.000Z

Hvað segið þið um það? 12 mai að sjálf sögðu. Allir koma með á grillið fyrir sig, en við getum séð um kartöflur og meðlæti.

Hundagöngutúrar

2007-04-22T22:59:00.000Z

Hæ hó!
Hvað segið þið þá? Ég var að láta mér detta í hug að við ættum að hafa einhverskonar árshátíð á næstunni, þar sem að ég gæti kannski verslað inn og eldað og svo bara borga allir í þessu. Hvernig líst ykkur á? Veit að það er svosum ekki besti tíminn fyrir Herdísi og Addú á næstunni, en bara svona þegar allir geta mætt.
En að öðru, hvað ætlar fólk að gera 12 maí, kosninga og eurovisionkvöldið mikla? Við erum ekkert búin að ákveða en eitthvað verður maður að gera, hvort það verði barnvænt sjónvarpskvöld eða hvað á tíminn eftir að leiða í ljós, en við erum opin fyrir ýmsu.
Annar þá bíð ég bara spennt eftir að bumbus Hilmarson komi í heiminn, er alltaf að kíkja inn á JAKA síðuna og barnalandssíðuna til þess að sjá hvort eitthvað sé í gangi. Gangi þér bara vel Herdís!!

Eiríkur að kanna mosa í Kjósinni

Flughundurinn Glói

Í Brynjudal

Einu göngutúrarnir sem við förum í þessa dagana eru hundagöngutúrar. Hér erum við í Brynjudal í frábæru veðri

Hvar er Valli?

2007-04-06T18:35:00.000Z

Fagradalsfjall

2007-04-05T22:29:00.000Z

Síðasta sunnudag kíkti ég í fjallgöngu með fjallavinafélaginu og var förinni heitið á Fagradalsfjall stutt frá Grindavík. Lögðum við rétt hjá Arnarsetri (1. mynd) og gengum þaðan suður fyrir Skógarfellið. Þaðan var svo tekin bein stefna á hæsta tind fjallsins. Sóttist gangan hratt til að byrja með og en tók svo við mjög úfið apalhraun. Upp fjallið var síðan haldið og gekk það nokkuð vel en tók þá við löng ganga upp á hátindinn. Á niðurleiðinni var tekin aðeins önnur leið til að breyta til. Yfir það heila tók ferðin fimm og hálfan tíma fram og til baka. Ágætis ferð á ágætt fjall og voru ferðalangar sáttir eftir daginn. Læt fylgja með hópmynd af toppnum (mynd 2).

Innstidalur 2007

2007-04-02T15:00:00.001Z

Hér Kemur smá Trailer af því sem við lentum í á Laugardainn. Takið eftir að innsláttarvilla er þarna, þetta var á laugardegi ekki föstudegi

Innstidalur aborted

2007-04-02T12:31:00.000Z

Tilraun til fyrstu útilegu ársins var farinn í gær uppí innstadal eins og fólk hafði kannski heyrt af.
Við Jói vorum mættir upp að hellisheiðarvirkjun eitthvað um kl18 í gær vel klifjaðir að búnaði sem átti sko aldeilis að prufa út í gegn. Smá rigning var þagar við mættum á svæðið en það skipti ekki máli enda vel veðurvarðir fatnaði frá 66°Norður. Upp að Vegvísinum uppá sleggjubeinsskarði er eitthvað um 800m og á leiðinni þar upp hvessti all svakalega og bætti í rigninguna svo við ákváðum að setja hlífarnar yfir bakpokana okkar. Eftir mikið maus í 300vindstigum voru þær komnar á og leiðinangurinn hélt áfram.
Skyggni var svona 30metrar svo maður sá í raun ekki mikið hvert maður átti að fara en við stenfdum á Vegvísinn og fundum hann. Uppi við vegvísin var án efa mesta rokið og til að fullkomna þann vind fauk bakpokahlífin af pokanum mínum af. Svona 50m lengra frá vegvísinum fundum við hana í krapatjörn fulla af vatni. Þegar komið var inn í Innstadal tók semsagt við snjór og svona 15-20m skyggni.
Við höfðum hnit af skála þarna í Innstadal og stefndum á hann, eftir töluvert labb var gps tækið allt í einu farið að vísa í öfuga átt og skálinn bara búinn að færa sig eitthvað. Stundum þegar maður stoppar skyndilega þá gerir gps tækið það en engu að síður sáum við stiku og röltum að henni. Á þessum tímapunkti var klukkan orðin 19:30 og okkur ekki farið að lítast á blikuna enda svona 45 mín í sólsetur. Við ákváðum samt að halda áfram í átt að skálanum fyrst að við fundum stikuna og skálinn ef til vill bara rétt hjá. Ekki líður á löngu en við komum þvert á nýleg fótspor sem greinilega bentu til þess að einhver hafi farið þar um nýlega. Mér datt hreinlega ekki í hug að líta á gps tækið en kíkti svo á trackið og sá að við höfðum labbað í hring. Það var sameiginleg ákvörðun á þeim tímapunkti þar sem lítið var eftir að dagsbirtu að snúa við og elta fótsporinn til baka. Á leiðinni niður sleggjubeinsskarðið var svo mikill vindur að regnið var eins og títuprjónar að stingast í andlitið á manni þegar maður leit upp. Alveg hreint frábært veður og skyggni semsagt.
Við vorum svo komnir að víkingsskálanum um klukkan 21:30 og fengum okkur smá skjól fyrir veðri og vindum í útihúsi sem er þar bakvið. Grilluðum pylsur, bræddum snjó í kakó og keyrðum svo bara heim rakir og þreyttir.
Semsagt ennþá eigum við eftir að prófa dúnpokana og bivy´ið
Nokkrir punktar sem maður lærði á þessari ferð

- Gps tæki eru bara bráðsniðug(Sérstaklega í þoku)
- Glymur jakkinn og buxurnar frá 66° eru vel vatnsheldar
- Bakpokinn minn er ekki vatnsheldur
- Gott er að festa bakpokahlífina með strekkingsól sérstaklega í 330vindstigum
- Alltaf að pakka skíðagleraugum

Þangað til næst, Innstidalur.

Innstidalur Expediton taka 2

2007-03-30T13:19:00.000Z

Já endilega þeir sem vilja skella sér í útilegu á laugardaginn endilega að skrá sig nóg pláss eftir og góð veðurspá

Leiðrétting

2007-03-21T15:09:00.000Z

mér var bent að það væri ósamræmi í fyrri í færslu. Partýið á að vera á FÖSTUdaginn 23. mars en ekki laugardaginn. Vonandi komist þið öll þá :)

Grænt eða grátt

2007-03-21T12:10:00.000Z

Vildi bara minna á http://framtidarlandid.is/ endilega takið afstöðu.
Annars ætlaði ég bara að segja að við Stebbi erum spennt fyrir partý-inu hjá Himma og Herdísi á laugardaginn. Veit ekki af hverju, en ég hef hvorki getað kommentað á mínu nafni né á nafni Stebba.

Teiti

2007-03-20T22:09:00.000Z

Jakar nær og fjær. Við skötuhjúin í Lyngbrekkunni ætlum að halda smá teiti næst komandi laugardag (23.mars), kl 21:00. Tilefni: svona hálfgert innflutnings partý sem við héldum aldrei, afmæli og okkar síðustu barnlausu vikur.
Endilega kommentið um hvort þið komist eður ei.

Innstidalur Expedition

2007-03-17T00:32:00.000Z

Jæja þetta Logo þarfnast kannski dálitla útkýringa en þannig er mál með vexti að við félagarnir Himmi&Jói (eins og Simmi&jói) erum að plana fyrstu útilegu ársins inn í Innstadal þar sem prófaður verður ýmis búnaður sem að er seldur í búðinni. Meðal hluta sem verða brúkaðir er nýju dúnpokarnir okkar, bivi pokar, light my fire mataráhöldin, event fatnaður og svo margt margt fleira. Gátum nú ekki farið í svona erfiðan leiðangur án þess að fá sterka stuðningsaðila á bak við okkur og má nú segja að það hafi nú bara verið hálf erfitt að þurfa vísa svona mörgum frá. Logoið verður svo prentað á Boli og allur ágóðinn sem verður af því (5000kr stykkið ) rennur óskiptur í söfnunina "Gerum strákinn að alvöru lækni" sem er þjóðarátak Sjálfstæðisflokksins um að byggja upp góðan háskólasjóð fyrir Aron Pálma svo að hann fái æskudraum sinn uppfyltan. óþarfi að nefna að verndari söfnunarinnar er Guðmundur í Byrginu
Og allir velkomnir með.

Annars var þessi færsla eiginlega bara skrifuð hérna á föstudagskvöldi á öðrum bjór yfir snilldar myndinni vertical limit þar sem þyngdarögmálið virðist hafa gleymst við handritsskrif. En engu að síður vildi ég bara biðja ykkur um að taka frá næsta fös 23mars því þá verður innfluttnings/afmælisveilsa haldin hér í lyngbrekku 3 á meðan húsrúmleyfir. nú er síðasti séns að fara kíkja í heimsókn áður en að bumbus kíkir í heimsókn maður veit aldrei hvenar þessi börn gera boð á undan sér svo þetta er svona partyboð með fyrirvara um breytingar. Bara vonum að sem flestir sjái sér fært um að mæta.

Gjábakkahellir

2007-03-11T22:01:00.000Z

Við félagarnir Himmi&Reynir hf skelltum okkur í enn eina hellaskoðunina. Merkilegt nokk ætti ekki að koma neinum á óvart. Gjábakkahellir varð fyrir valinu einn stuttur og góður á sunnudegi.

Bilahornið

2007-02-16T00:48:00.000Z

Check it out!

Bjorkvöld

2007-02-13T11:40:00.000Z

Er ekki kominn tími á smá hitting? Ætlaði bara að gá hvort það væri stemmari fyrir því að hittast hér á Kjalarnesinu á föstudagskvöldið. Endilega kommentið hvort sem þið komist eða ekki. Hentar laugardagskvöldið kannski betur?? Ef þær óléttu ætla ekki að detta í það :) gætu þær kannski kippt eitthvað af liði með sér.

Jakafyrirtæki - www.oskin.is - Auglýsing

2007-02-09T09:51:00.000Z

Brúðarkjólaleigan Óskin sérhæfir sig í persónulegri og góðri þjónustu. Brúðarkjólaleigan Óskin hefur allt að bjóða sem brúðurin þarfnast. Óskin hefur gott úrval kjóla frá framleiðendum í fremstu röð. Brúðarkjólar frá Alfred Angelo og Ginnis eru meðal þeirra framleiðenda. Allar brúðir ættu að finni eitthvað við sitt hæfi. Óskin leggur metnað í að bjóða upp á sem flestar stærðir og má finna kjóla frá stærðum 8 – 32 (UK stærðir). Slör er er ómissandi við kjólinn og eru slörin vönduð og falleg. Skór frá Shades Shoes eru sérlega glæsilegir og vandaðir brúðarskór. Skart er nauðsynlegt til að fullkomna útlit brúðarinnar, gott úrval tiara, hálsmena, eyrnalokka og armbanda er að finna hjá Óskinni. Sokkar og sokkabönd eru ómissandi hluti af hverri brúði og er Óskin með gott úrval af sokkaböndum og sokkum. Heimasíða Brúðarkjólaleigunnar er www.oskin.is. Óskin er aðeins opin eftir pöntunum og er því nauðsynlegt að panta tíma í mátun. Hægt er að senda tölvupóst á netfangið oskinmin@gmail.com eða hringja í síma 898-0692/555-3776. Einnig má senda sms í síma 898-0692. Mátunartímar eru alla virka daga frá kl. 17:00-20:00 og um helgar eftir samkomulagi.

En ein Hellaferð

2007-02-04T23:05:00.000Z

Ég og Reynir skelltum okkur í smá sunnudags gönguferð neðanjarðar þennan drottins blessaða sunnudag. Ætluðum að kíkja á Breiðabáshelli en fundum hann ekki í þetta skiptið svo við kláruðum Raufarhólshellir sem er án efa leiðinlegasti hellir sem ég hef skoðað. Leyfi bara myndunum að tala sínu máli.

Búningapartý

2007-02-03T20:15:00.000Z

The computer says nooooo

Útivist á Sunnudaginn

2007-01-30T13:52:00.000Z

Ég er því miður að vinna á Laugardaginn en mér datt í hug ef veðrið verður gott hvort við ættum að gera eitthvað skemmtilegt á sunnudaginn. Reyndar má alltaf fara í hellaskoðanir þótt veður sé vont. Endilega sýnið smá lit og drullið ykkur út og klæðið ykkur vel í 66°north föt :)

2 dagar í búningapartý Jakanna

2007-01-25T22:48:00.000Z

Þá fer hver að vera síðastur til að redda sér búning fyrir laugardaginn. Elli stefnir væntanlega á að sigra þessa keppni eins og síðast, en samt hafa ekki komið neinar yfirlýsingar frá honum. Kannski er hann ekki eins sigurviss eins og síðast. Doddi situr líklega sveittur við saumavélina í þessum töluðu orðum að leggja lokahöndina á vinningsbúninga. Mæting er kl. 20 í Kópavoginn og finnst mér að allir ættu nú að koma með eitthvað með sér eins og snakkpoka og þess háttar. Hvernig líst fólki á það? Svo er auðvita fullt af fólki sem drekkur ekkert annað en óáfenga drykki og þá þarf að vera gos á staðnum. Það ætti að vera nóg fyrir húsráðendur að þurfa að taka til daginn eftir.

Jakavarningur til sölu

2007-01-23T20:12:00.000Z

Fór og lét gera eitt prufueintakaf jakabol í Merkt í faxafeni (hinu meginn við 66°). Ég átti bolinn sjálfur en merkingin kostaði bara 1590kr fyrir 18cm merki á bolinn. Jaka merkið er semsagt til í tölvunni þarna hjá þeim og það er hægt að prenta það á hvað sem er og í fullt af litum. Ykkur er frjálst að gera hvað sem þið viljið með þetta merki svo lengi sem það er innan siðsamlegra marka. Svo ef einhver mikill áhugi er þá er hægt að fá 5% afslátt fyrir fimm boli og svo 10% fyrir 10 og svo framvegis, svo ég segi látum prenta á 100 boli og fáum þetta frítt hehe.

4. dagar...

2007-01-23T13:35:00.000Z

í framtíðinni verður svo hægt að hafa búningapartý ísmolanna :)

6 dagar til stefnu

2007-01-21T18:37:00.002Z

Nú eru bara 6 dagar þar til hið magnaða búningapartý Jakanna verður haldið, og að þessu sinni í Kópavogi. Vonandi að sem flestir geta mætt, en það væri gaman ef þeir sem ætla að mæta setji inn athugsemd þess efnis inná síðuna. Í fyrra var svaka stuð og það verður örugglega ekki minna stuð núna. Endilega látið heyra í ykkur. Hvað finnst fólki um verðlaun fyrir fyrsta sætið eins og í fyrra? Allir að koma með 2 auka bjóra sem verða þá í verðlaun. Hugmyndaflugið á Þrastarhöfðanum er ekki ýkja mikið en samt eru komnir tveir búningar sem verða frumsýndir á laugardaginn. Svo er bara spurning hvenær mæting sé í Kópavoginn?

Fyrsta ferð ársins 2007

2007-01-21T18:05:00.000Z

Leiðarendi

Ég og Reynir fórum í hellaskoðun í morgun (ákveðið með mjög stuttum fyrirvara svo sorry þeir sem hefðu viljað með). Hellirinn var Leiðarendi (N 63°59.082´ W21°50.582´) Helvíti hressandi hellir, tvær leiðir sem við fórum annars vegar bara beint inn af augum inn í hellinn og svo í aðra leið á bakaleiðinni til hægri hjá fyrsta grjóthruninu. Svolítið erfið þessi seinni, þurftum að smukra okkur milli steina, dropasteina og grýlukerta. Hefði líkað hjálpað að vera með góðar hnéhlífar svo að það er aldrei að vita nema þessi hellir verði skoðaður aftur.

Reynir kominn á botninn með nýja hjálminn sinn.

Hér er svo ein af köppunum sem létu sig hafa það og drifu sig út að gera eitthvað

Hlakka til að hitta sem flesta Jaka á Laugardagin, hvað sem þið verðið.

tralalaaa

2007-01-16T13:47:00.000Z

11 dagar í búningafrumsýninguna. Blyngbrekkan er tilbúin með sína búninga vona að ykkur hinum gangi vel að leggja loka hönd á ykkar. Ég krosslegg fingurnar um að passa ennþá í minn, en miðað við hvað Bumbus stækkar þá eru líkur að ég verði eins og strekktur köttur. Búningurinn minn er samt ekki kattarbúningur.

Þar sem flestir eru búnir að leggja blessun sína á Fossvoginn þá hlökkum við til að sjá ykkur laugardaginn 27. janúar í Víðigrund 9 (held að flest ykkar hafa komið þangað áður, ætti ekki að vera erfitt að finna þetta).

Eigum við að hafa verðlaun eins og í fyrra, allir komi með 2 bjóra til þess að leggja í púkk?

Stelpa var það heillin

2007-01-09T22:18:00.000Z

Arnrún (og ég) fórum í 20. vikna sónar í dag og þá kom barasta í ljós að lítil Þórðardóttir mun koma í heiminn í lok maí. Allavega sagði ljósmóðirin það með nokkuð góðri vissu. Þar með er ljóst að með þessu sparast kaup á takkaskóm og fótboltum. Bara hið besta mál myndi ég ætla.

PS. Ég kem í boltann á fimmtudaginn.

Kveðja,
Doddi og Addú

Hvar á partýið að vera ?

2007-01-05T21:12:00.000Z

Við getum boðið fram húsnæði undir búningapartýið. Nokkuð miðsvæðis fyrir alla, staðsetningin er Víðigrund í Kópavogi (Fossvoginum). Við verðum að passa Birtu og Úu og höfðum því einbýlishús til umráða þessa helgi.

Kæru Jakar

2006-12-31T12:36:00.000Z

Við viljum þakka ykkur fyrir skemmtilegt ár og hlökkum til komandi útivistaferða og annarra samverustunda á komandi ári.

Það styttist í Búningapartýið, allir ættu að vera á fullu í hönnunar- og saumavinnu einungis 27 dagar til stefnu !!

Lengi lifi Jakarnir,

Gleðilegt ár, Herdís og Himmi

Wilson Muuga

2006-12-27T12:39:00.000Z

Okkur Stebba langaði svo að kíkja á þetta næstu daga, við vildum bara ath hvernig staðan væri hjá ykkur. Spurning hvort það sé áhugi fyrir því að kíkja á þetta saman. Getum svo kíkt við í Krísuvíkinni á leiðinni til baka og talið nokkur strá. Endilega kommentið á þetta.

Gleðileg Jol

2006-12-25T12:33:00.000Z

Nokkrar skemmtilegar myndir

2006-12-18T17:34:00.000Z

Hér kemur ein mynd fyrir fólk til þess að rífa sig upp úr skammdegisþunglyndinu

Laka ferðin góða

Allir hressir í gúrkunni

Fótboltalið Fjallsins

Partý hjá okkur í skerjafirði

Innflutningspartý

Brekkusöngur í Skálholti

Í pottinum með Jesú í Suðurlandsferðinni