Elli brillerar á keilumóti Jaka

Elías stóð uppi sem sigurvegari á keilumóti Jaka í kvöld. Sýndi hann með eindæmum fágaða spilamennsku. Reynir sem sló svo rækilega í gegn á keilumóti fjallsins um daginn og Dóri veittu Ella þó harða keppni með agaðri og í senn stílhreinni spilamennsku. Dóri byrjaði mótið af gríðarlegum krafti en slæmu kaflarnir voru einum of margir að þessu sinni. Hann á bjarta framtíð fyrir höndum ef hann heldur vel á spöðunum.

Nilli var alltof seinn í gang og náði sér ekki á strik, hann á við meiðsli að stríða sem gerðu honum oft erfitt fyrir. Hann er gríðarlegt efni. Valgerður sem hefur yfir að ráða svokallaðri "snúningstækni", sýndi fína takta á köflum en nokkur slæmur kafli í byrjun seinni leiksins gerði það að verkum að hún endaði nokkuð neðarlega. Himmi sem hefur yfir að ráða gríðarlegri tækni virðist hafa vanmetið keppinauta sína og gerði alltof marga feila sem menn á hans kaliberi eiga einfaldlega ekki að gera. Undirritaður olli gífurlegum vonbrigðum. Nánari fregnir síðar af þessu æsispennandi móti.

Íþróttamálaráðherrann